Անհասանելի բուժօգնություն

Աշխարհի բնակչության մի զգալի մասը երբեք չի այցելել բժշկի: Բացի այդ, մոտ մեկ միլիարդ մարդու համար անհասանելի են դեղորայքը և նրանք չեն կարողանում ժամանակին ստանալ որակյալ բուժօգնություն` այդ մասին ասվում է Save the Children միջազգային բարեգործական հիմնադրամի զեկույցում:

Մասնագետների խոսքերով, այդ բոլորը հանգեցրել են նրան, որ յուրաքանչյուր տարի միլիոնավոր մարդիկ են մահանում այն հիվանդություններից, որոնք  քաղաքակիրթ աշխարհում շատ հեշտ և արագ բուժվում են:

Զեկույցի հեղինակները նշում են, որ այդ ամենում մեղավոր են պետությունների ղեկավարները: Նրանք ծայրաստիճան անտարբեր են այդ խնդրի նկատմամբ: Շատ երկրներում առողջապահության համար հատկացված գումարներով գերադասում են էլիտար և թանկարժեք կլինիկաներ կառուցել, իսկ փոքրիկ քաղաներն ու բնակավայրերը մնում են առանց բուժկետերի:

Հարցեր, պատասխաններ, մեկնաբանություններ